У ГДУ адбылася інтэрактыўная дзелавая гульня «Азбука грамадзяніна»

Submitted by Dmitry_Gorbachev on сер, 02/10/2019 - 10:17

2019 год – важны год у палітычным жыцці Рэспублікі Беларусь: у лістападзе грамадзяне нашай краіны будуць галасаваць за кандыдатаў у Савет Рэспублікі і Палату прадстаўнікоў Нацыянальнага сходу. Ключавое месца ў будучых парламенцкіх выбарах адводзіцца голасу моладзі.
Прыцягненне маладых выбаршчыкаў да ўдзелу ў значных палітычных мерапрыемствах – асноўная мэта праекта «Азбука грамадзяніна», распрацаванага сумеснымі намаганнямі Гомельскага гарадскога камітэта БРСМ і юрыдычнага факультэта дзяржаўнага ўніверсітэта імя Ф. Скарыны. «Азбука грамадзяніна» – унікальны праект, які дазваляе атрымаць веды аб дзяржаўным упарадкаванні і ролі парламента не сухой мовай юрыдычных дакументаў, а ў выглядзе зразумелай і займальнай ролевай гульні.
У першай гульні, якая адбылася 9 верасня, узялі ўдзел больш за пяцьдзесят будучых выбаршчыкаў – студэнтаў вышэйшых навучальных устаноў. Уводным этапам гульні стала міні-лекцыя аб дзяржаўнай уладзе ў Рэспубліцы Беларусь, яе галінах, а таксама функцыях Палаты прадстаўнікоў і Савета Рэспублікі. Наступны этап гульні быў у выглядзе віктарыны, падчас якой удзельнікі павінны былі адказаць на пытанні аб Парламенце рэспублікі, пазнаць па фатаграфіях вядучых палітычных дзеячаў краіны, разгадаць значэнне важных для дзяржаўнага ладу лічбаў. Заключным і самым цікавым этапам мерапрыемства стала «дзелавая» гульня, якая мела на ўвазе імітацыю работы Урада і Парламента. Студэнты змаглі адчуць сябе дэпутатамі Нацыянальнага сходу Рэспублікі Беларусь, прыняць удзел у абмеркаванні і прыняцці законапраекта аб абыходжанні з жывёламі. Пасля бурных дэбатаў законапраект быў прыняты і падпісаны студэнткай юрыдычнага факультэта Юліяй Петрачэнка, якая выконвала роль Прэзідэнта.
У мэтах павышэння палітычнай граматнасці моладзі такія інтэрактыўныя гульні пройдуць ва ўсіх раёнах Гомельскай вобласці. 
Фота Уладзіміра Чысціка


 

Новость на сайте газеты «Беларусь сегодня»

Видео на канале Телерадиокомпании Гомель

http://www.ctv.by/novosti-gomelya-i-gomelskoy-oblasti/azbuka-grazhdanina-v-gomele-nachali-proekt-v-kotorom-studenty

 

Фото Владимира Чистика

Фотасправаздача
Відэа