Адзінаццацікласнікі па ўсёй краіне праверылі ўзровень сваёй падрыхтоўкі і даведаліся, чаго чакаць ад майскага выпрабавання.
У Гомельскай вобласці 28 пунктаў тэсціравання прынялі больш як 7,5 тысячы школьнікаў.
- Наша задача - дапамагчы дзецям падрыхтавацца да асноўнага іспыту, таму што ў траўні будзе вырашацца іх лёс. Бацькі і школьнікі вельмі хваляваліся, куды пойдуць адзнакі за рэпетыцыйнае тэсціраванне. Гэтыя вынікі не ўлічваюцца пры паступленні, яны патрэбныя дзецям для таго, каб праверыць свае веды, - распавяла намеснік начальніка галоўнага ўпраўлення адукацыі аблвыканкама Жанна Ждановіч.
Таксама рэпетыцыйны іспыт неабходны для таго, каб праверыць, як працуе новая сістэма, і абкатаць арганізацыйныя моманты для Міністэрства адукацыі.
Нагадаем, фармат цэнтралізаванага іспыту быў распрацаваны для таго, каб аблегчыць працэс паступлення ў ВНУ.
