У Гомельскім дзяржаўным універсітэце імя Ф. Скарыны сумесна з Нацыянальным агенцтвам па турызме, упраўленнем спорту і турызму Гомельскага абласнога выканаўчага камітэта, аддзелам спорту і турызму Гомельскага гарадскога выканаўчага камітэта праведзена прафесійная атэстацыя на кваліфікацыю экскурсаводаў у Гомельскай вобласці.
У склад атэстацыйнай камісіі ад Гомельскай вобласці ўвайшлі:
- Палуян Ігар Леанідавіч, начальнік аддзела спорту і турызму Гомельскага гарвыканкама;
- Чарапко Станіслаў Аляксандравіч, дэкан гістарычнага факультэта ўніверсітэта;
- Пачынак Таццяна Віктараўна, загадчык кафедры міжкультурных камунікацый і міжнароднага турызму.
14 суіскальнікаў праходзілі два этапы выпрабаванняў – тэставанне і вуснае сумоўе.
Суіскальнікі, якія прайшлі паспяхова тэставанне, маглі прадставіць свой экскурсійны маршрут на вусным сумоўі і адказаць на пытанні атэстацыйнай камісіі.
Выказваем шчырую падзяку Нацыянальнаму агенцтву па турызме, адказным дзяржаўным структурам аблвыканкама і гарвыканкама за супрацоўніцтва і сумесную дзейнасць па развіцці турыстычнай прывабнасці Гомельскай вобласці і нашай рэспублікі!
Таццяна Пачынак і Станіслаў Чаропка,
гістарычны факультэт
