З 23 па 25 красавіка ў сталіцы Балгарыі, горадзе Сафіі, адбыўся этап Кубка свету па спартыўнай акрабатыцы. У складзе нацыянальнай каманды Рэспублікі Беларусь годна выступілі студэнты факультэта фізічнай культуры нашага ўніверсітэта.
У спаборніцтвах мужчынскіх пар чэмпіёнам стаў другакурснік Аляксей Заяц, а сярэбраны медаль заваяваў студэнт 1 курса Максім Маркевіч.
У спаборніцтвах жаночых груп бронзавымі прызёрамі сталі першакурсніца Дар’я Іванюценка і студэнтка факультэта завочнага навучання і давузаўскай падрыхтоўкі Крысціна Лішова.
У змяшанай пары срэбра заваяваў першакурснік Ілля Фаменкоў.
Віншуем пераможцаў і прызёраў спаборніцтваў. Ганарымся нашымі выхаванцамі і жадаем ім далейшых поспехаў!
Марына Кажадуб,
кіраўнік спартыўнага прэс-цэнтра
Фотасправаздача
Папулярныя тэгі
