З 8 па 14 лістапада на базе спартыўнай залы №1 ГДУ імя Ф. Скарыны адбылося традыцыйнае першынство ўніверсітэта па баскетболе сярод мужчын.
Па выніках папярэдняга этапа, дзе восем мужчынскіх каманд былі разбіты на дзве падгрупы, прызавыя месцы ў фінальнай частцы турніру разыгралі паміж сабой чатыры наймацнейшыя.
У выніку напружанай барацьбы перамогу атрымала зборная факультэта фізікі і інфармацыйных тэхналогій (адказны за спартыўна-масавую работу - М. Ф. Кастырка).
II месца дасталася баскетбалістам геолага-геаграфічнага факультэта (адказны за спартыўна-масавую работу факультэта - А.В. Блашкевіч).
Бронзавым прызёрам стала зборная факультэта матэматыкі і тэхналогій праграмавання (адказны за спартыўна-масавую работу факультэта - Д.Д.Захарчанка).
Да судзейства спаборніцтваў былі прыцягнуты студэнты факультэта фізічнай культуры пад кіраўніцтвам арт. выкладчыка кафедры фізічнага выхавання і спорту А.У. Блашкевіча.
Начальнік спартыўнага клуба С.М. Куляшоў уручыў пераможцам і прызёрам першынства дыпломы і кубак ад спартыўнага клуба, а таксама салодкія прызы ад прафсаюзнага камітэта.
Віншуем баскетбольныя каманды факультэтаў-прызёраў і адказных за спартыўна-масавую работу!
Марына Кажадуб, кіраўнік спартыўнага прэс-цэнтра
