12 лістапада ў канферэнц-зале ўніверсітэта адбылася online-лекцыя прафесара Нью-Йоркскага гарадскога ўніверсітэта Сяргея Віктаравіча Самсонава (New York University (NYU), Research Technology Services, Artificial intelligence technical lead, PhD in Physics (The City University of New York, CUNY)). Тэма лекцыі – “Уводзіны ў праграмаванне на мове R” (у рамках вучэбнай дысцыпліны “Інфармацыйныя тэхналогіі ў біялагічных даследаваннях”).

10 лістапада адбылася ўрачыстая цырымонія ўзнагароджання пераможцаў і прызёраў анлайн-турніраў па шахматах і кіберспартыўнай дысцыпліне FIFA 20, прысвечаных Міжнароднаму дню студэнцкага спорту.

Старшыня Беларускай асацыяцыі студэнцкага спорту (БАСС) Аляксандр Багдановіч узнагародзіў дыпломамі, кубкамі і прызамі БАСС студэнтаў-спартсменаў, якія ўвайшлі ў топ-3 па выніках анлайн-турніраў.

У рамках акадэмічнага супрацоўніцтва юрыдычных факультэтаў Беларусі і Інстытута імя Рауля Валенберга (Швецыя) адбылося пасяджэнне кіруючага камітэта, у якім прынялі ўдзел дырэктар Ирв Мортэн Кьерум, кіраўнік ўсходнееўрапейскага аддзела шведскага агенцтва па супрацоўніцтве ў галіне міжнароднага развіцця Крысціна Дэньельсон, прадстаўнікі вышэйшых навучальных устаноў Рэспублікі Беларусь.

30 кастрычніка у рамках праграмы «Запрошаны прафесар» загадчыкам кафедры ўкраінскай і замежнай літаратуры Мелітопальскага дзяржаўнага педагагічнага ўніверсітэта імя Б. Хмяльніцкага (Україна) Таццянай Міхайлаўнай Шаровай была прачытана лекцыя «Сучасні підходи до організації освітнього процесу в інформаційному просторі: українська мова та інфомедійна грамотність» студэнтам 3 курса спецыяльнасці «Беларуская філалогія» (мадэратар сустрэчы – дацэнт кафедры беларускай мовы З.У. Шведава).