Канцэпту «Малая радзіма» і менталітэту беларусаў-палешукоў прысвечаны пазнавальныя лекцыі прафесара кафедры славістыкі Яска універсітэта ім. А.І. Куза Людмілы Бежэнару, якія яна пачала чытаць студэнтам і выкладчыкам філалагічнага факультэта ГДУ імя Ф. Скарыны.
Візіт у наша вну прафесары з Румыніі адбыўся дзякуючы міжнароднай праграме ЕС для сферы вышэйшай адукацыі Erasmus plus. Акадэмічны абмен паміж установамі адукацыі Гомеля і Яссы наладжаны даўно, паспяхова развіваецца ўзаемадзеянне ў рамках правядзення канферэнцый, студэнцкіх чытанняў, алімпіяд і іншых мерапрыемстваў па папулярызацыі беларускай мовы.
У планах - пошук новых напрамкаў супрацоўніцтва. Пра гэта ішла размова на сустрэчы госці з рэктарам ГДУ Сяргеем Хахомавым. Як адзначыла Людміла Бежэнару, прадстаўнікі гомельскага ўніверсітэта маюць магчымасць больш актыўна ўключацца ў рэалізацыю праграмы Erasmus plus, у прыватнасці, пашыраць свой удзел у праектах акадэмічнай мабільнасці.
- Студэнты ГДУ імя Ф. Скарыны маглі б наведваць Ясcкi ўніверсітэт не толькі з кароткачасовымі візітамі, але і заставацца ў ВНУ на больш доўгі тэрмін, напрыклад, на адзін навучальны семестр. Прычым, абраць можна не толькі напрамкі вучэбнай падрыхтоўкі, але і мову выкладання, у тым ліку і руская мова, - распавяла госця.
Людміла Бежэнару прабудзе ў Гомелі да канца тыдня. Акрамя заняткаў, запланавана цікавая культурная праграма, наведванне Веткаўскага музея стараверства і беларускіх традыцый, Расійскага цэнтра навукі і культуры і інш.
Фота Уладзіміра Чысціка
