З 9 па 11 сакавіка на базе спартыўнага комплексу №7 ГДУ імя Ф. Скарыны адбылося традыцыйнае першынство ўніверсітэта па шахматах.

У выніку трохдзённай барацьбы перамогу адсвяткавалі прадстаўнікі факультэта матэматыкі і тэхналогій праграмавання (адказны за спартыўна-масавую работу факультэта – В.В. Царун).

Сярэбраным прызёрам стала зборная факультэта фізікі і інфармацыйных тэхналогій (адказны за спартыўна-масавую работу факультэта – М.Ф. Кастырка).

11 сакавіка прайшло чарговае пасяджэнне студэнцкага савета ўніверсітэта. У ходзе мерапрыемства прарэктар па выхаваўчай рабоце Юрый Нікіцюк адказаў на пытанні студэнцкага актыву, акцэнтаваў увагу моладзевых лідараў на прыярытэтных задачах. Вялікая ўвага была нададзена арганізацыі Дня адчыненых дзвярэй. Штогод члены студсавета задзейнічаны ў правядзенні гэтага мерапрыемства, імі арганізуюцца інтэрактыўныя пляцоўкі і моладзевыя акцыі.

У дадзенай канферэнцыі, арганізатарам якой выступіў гістарычны факультэт ГДУ імя Ф. Скарыны, прымаюць удзел больш за трыццаць аўтарытэтных даследчыкаў з Беларусі, Польшчы, Расіі. Сярод іх 12 дактароў і 16 кандыдатаў гістарычных навук. Прадстаўлены буйныя навуковыя цэнтры трох дзяржаў, у якіх вядзецца актыўнае вывучэнне міжнародных адносін міжваеннага перыяду. Гэта ўніверсітэты Масквы, Варшавы, Мінска, Санкт-Пецярбурга, Торуні, Смаленска, Бранска, Брэста, Гродна.

У выставачнай зале ўніверсітэта адбылося адкрыццё першай персанальнай выставы “Падарожжа ў прыгожае”. Яе аўтар – Попічава Кацярына, студэнтка чацвёртага курса біялагічнага факультэта.

Ва ўрачыстай абстаноўцы з прывітальным словам да прысутных звярнуўся прарэктар па выхаваўчай рабоце Юрый Нікіцюк. Юрый Валер’евіч адзначыў значнасць арганізацыі персанальных выстаў нашых студэнтаў і выкладчыкаў у культурным жыцці ўніверсітэта і падтрымцы таленавітай моладзі.

З нагоды 90-годдзя з дня нараджэння класіка беларускай літаратуры пры фінансавай падтрымцы Міністэрства адукацыі Рэспублікі Беларусь выйшла энцыклапедыя “Уладзімір Караткевіч”.

Ганаровай граматы Галоўнага ўпраўлення ідэалагічнай работы, культуры і па справах моладзі Гомельскага абласнога выканаўчага камітэта ўдастоены старшы выкладчык кафедры агульнай фізікі ГДУ імя Францыска Скарыны Аляксей Зайцаў. Такой узнагародай малады навуковец адзначаны за добрасумленную працу і значны ўклад у арганізацыю ідэалагічнай работы ў рэгіёне.

У першых чыслах сакавіка на геолага-геаграфічным факультэце ўстановы адукацыі “Гомельскі дзяржаўны ўніверсітэт імя Францыска Скарыны” адбылося папярэдняе размеркаванне выпускнікоў спецыяльнасці “Геалогія і разведка радовішчаў карысных выкапняў” (спецыялізацыі “Геафізічныя метады пошукаў і разведкі”, “Інжынерная геалогія і гідрагеалогія”). Спецыялісты-геолагі сёлета патрабуюцца ў 14 арганізацыях, якія даслалі заяўкі на 25 чалавек.

З 3 па 5 сакавіка прарэктар па вучэбнай рабоце Ігар Валянцінавіч Семчанка ў складзе дэлегацыі Міністэрства адукацыі Рэспублікі Беларусь прыняў удзел у афіцыйным візіце ў г. Ташкент (Узбекістан), у ходзе якога адбылося 8-е пасяджэнне Сумеснай міжурадавай камісіі па двухбаковаму супрацоўніцтву паміж Рэспублікай Беларусь і Рэспублікай Узбекістан.

У 2018 годзе паміж Дзяржаўным універсітэтам імя Сэма Х’юстана, Злучаныя Штаты Амерыкі, і Гомельскім дзяржаўным універсітэтам імя Францыска Скарыны быў падпісаны дагавор аб міжнародным супрацоўніцтве, у рамках якога ажыццяўляецца ўзаемадзеянне паміж амерыканскай і беларускай ВНУ.